لاہور: پاکستان کرکٹ بورڈ (پی سی بی) انگلینڈ کے خلاف سات میچوں کی ٹی ٹوئنٹی سیریز کے لیے آئندہ دو روز میں اسکواڈ کا اعلان کرے گا۔
انگلینڈ کی ٹیم 20 ستمبر سے نیشنل اسٹیڈیم کراچی میں شروع ہونے والی سیریز کے لیے پاکستان کا دورہ کرے گی۔
تفصیلات کے مطابق مہمان ٹیم 15 ستمبر کو پہنچیں گے جبکہ قومی ٹیم 16 ستمبر کو پریکٹس سیشن جوائن کرے گی۔
دریں اثنا آئی سی سی ٹوئنٹی ٹوئنٹی ورلڈ کپ 2022 کے اسکواڈ کے اعلان کی کٹ آف تاریخ بھی 15 ستمبر ہے، لیکن پی سی بی نے توسیع کے لیے بین الاقوامی گورننگ باڈی سے رابطہ نہیں کیا۔
حال ہی میں ختم ہونے والے ٹی ٹوئنٹی ایشیا کپ 2022 میں بلے بازوں کی ناقص کارکردگی نے سلیکشن کمیٹی کو اسکواڈ کا اعلان کرنے پر مجبور کیا۔ بیٹنگ لائن اپ کا کمبی نیشن تبدیل کیے جانے کا امکان ہے جب کہ اسکواڈ میں دو وکٹ کیپرز بھی شامل کیے جاسکتے ہیں۔
تاہم کرکٹ گورننگ باڈی کٹ آف تاریخ میں توسیع کے لیے آئی سی سی سے رابطہ کرنے کے لیے تیار ہے، اور پھر اجازت ملنے کی صورت میں انگلینڈ کے خلاف سیریز کے دوران ورلڈ کپ کے لیے اسکواڈ کا اعلان کیا جائے گا۔ بصورت دیگر دونوں سکواڈز کا اعلان 15 ستمبر کو ریزرو کھلاڑیوں کے ساتھ کیا جائے گا۔
فاسٹ باؤلر شاہین شاہ آفریدی اب بھی لندن میں انجری سے بحالی کے مراحل سے گزر رہے ہیں اور شائقینِ کرکٹ اُن کو ورلڈ کپ میں دیکھنے کے لیئے بے تاب ہیں۔
