تازہ ترینسیر و سیاحت
والڈ سٹی آف لاہور اتھارٹی کی جانب سے لاہور قلعہ میں "فورٹ فرائٹ” کے عنوان سے ایک ہارر ٹور کا انعقاد
والڈ سٹی آف لاہور اتھارٹی کی جانب سے لاہور قلعہ میں "فورٹ فرائٹ” کے عنوان سے ایک ہارر ٹور کا انعقا کیا گیا، جس میں سیاحوں کو قلعہ کی ڈراؤنی کہانیوں کے ذریعے لطف اندوز کیا گیا۔ اس کے علاوہ، قلعہ کے گائیڈز اور سٹاف کے ذاتی تجربات پر مبنی حقیقی کہانیاں بھی سیاحوں کو سنائی گئیں۔ شرکاء نے اس منفرد اور دلچسپ ٹور کو بہت پسند کیا اور مثبت رائے کا اظہار کیا۔
والڈ سٹی آف لاہور اتھارٹی کی ڈپٹی ڈائریکٹر میڈیا اور مارکیٹنگ، ثمینہ فاضل نے کہا، "ہم سیاحوں کو تاریخی مقامات کی طرف راغب کرنے کے لیے کافی کوششیں کر رہے ہیں، اور یہ ٹور ہماری ان کوششوں کی عکاسی کرتا ہے۔ ہم نے یہ سرگرمی نہ صرف عوام کو تاریخی مقامات کی طرف مائل کرنے کے لیے بلکہ نائٹ ٹورازم پر بھی توجہ دلانے کے لیے منعقد کی ہے۔ ہمیں اس کامیاب منصوبے پر بہت خوشی ہے، جس نے سیاحوں کو ایک منفرد لطف فراہم کیا۔ ایسے ٹورز کے ذریعے ہم نہ صرف عوام کو تاریخی مقامات پرمصروف رکھتے ہیں بلکہ ان یادگاروں سے وابستہ کہانیاں بھی عوام کے سامنے لاتے ہیں۔
والڈ سٹی آف لاہور اتھارٹی کے ڈائریکٹر جنرل، کامران لاشاری نے بھی اپنے خیالات کا اظہار کرتے ہوئے کہا، "ہمارے ٹورز اور تقریبات اس طرح ترتیب دیے جاتے ہیں کہ زیادہ سے زیادہ سیاح ان میں شامل ہو سکیں۔ ہم ٹکٹ کی قیمتیں کم رکھتے ہیں تاکہ ہر طبقے کے لوگ ان مقامات کا دورہ کر سکیں اور ہماری سرگرمیوں میں حصہ لے سکیں۔ اس کے ساتھ ہی، ہم اپنے زائرین کو ایک جامع اور یادگار ٹور سے لطف اندوز کرنے کی کوشش کرتے ہیں، جیسا کہ اس ٹور میں نظر آیا۔ سیاحوں کی مثبت رائے ہمیں مزید دلچسپ ٹورز متعارف کروانے کی ترغیب دیتی ہے، جس سے عوام کی تاریخی مقامات میں دلچسپی بڑھائی جا سکے۔
