اسلام آباد: وزارت خزانہ کے مطابق پاکستان کے اسلامی برادر ملک متحدہ عرب امارات (یو اے ای) نے پاکستانی معیشت کو مستحکم کرنے کے لیے دو ارب ڈالر سے زائد رقم دی ہے۔ امکان ہے کہ متحدہ عرب امارات پاکستان کے زرمبادلہ کے ذخائر کی صورتحال بہتر بنانے کے لیے مزید ایک ارب ڈالر فراہم کرے گا۔ رواں سال جون کی ادائیگیوں کا بوجھ اب گیارہ ارب ڈالر رہ گیا ہے۔ وزیر اعظم شہباز شریف کے دورہ متحدہ عرب امارات کے بعد حکومت کا یہ فیصلہ منظر عام پر آیا ہے۔ وزیر خزانہ اسحاق ڈار بار بار توقع کر رہے تھے کہ دوست ریاست سے تین ارب ڈالر ملیں گے۔ اس وقت اسٹیٹ بینک آف پاکستان کے پاس 4.5 بلین ڈالر کے غیر ملکی ذخائر تھے۔
