نوشہرہ: نوشہرہ کے علاقے تنگی خٹک میں زمین کے تنازع پر 5 افراد کو قتل کردیا گیا۔ پولیس نے بتایا کہ دو حریف گروپوں میں جائیداد کے تنازع پر فائرنگ کا تبادلہ ہوا جس کے نتیجے میں نواب علی، عادل، سہین، واجد علی اور اسرار ہلاک ہوگئے۔ جاں بحق افراد کی لاشیں قاضی حسین احمد میڈیکل کمپلیکس نوشہرہ منتقل کر دی گئیں۔ پولیس نے علاقے کو گھیرے میں لے کر فرار ملزمان کی تلاش شروع کر دی۔ دریں اثنا پیر کو پشین میں کلی پیراں کے گھر پر فائرنگ سے دو خواتین شدید زخمی ہو گئیں۔ پولیس معاملے کی تحقیقات کر رہی ہے۔
