راولپنڈی: چیف آف آرمی سٹاف جنرل سید عاصم منیر نے دو روزہ بلوچستان کے علاقے کوئٹہ اور تربت کا دورہ کیا۔ انٹر سروسز پبلک ریلیشنز (آئی ایس پی آر) کے مطابق پہلے روز آرمی چیف نے کور ہیڈ کوارٹرز کا دورہ کیا اور یادگارے شہدا پر پھولوں کی چادر چڑھائی اور فاتحہ خوانی کی۔ بعد ازاں آرمی چیف کو فارمیشن کے آپریشنل، ٹریننگ اور دیگر امور پر تفصیلی اپ ڈیٹ کیا گیا۔ سی او اے ایس نے کمانڈ اینڈ اسٹاف کالج کوئٹہ اور اسکول آف انفنٹری اینڈ ٹیکٹکس کا بھی دورہ کیا اور نوجوان افسران اور انسٹرکٹرز سے بات چیت کی اور انہیں مستقبل کے میدان جنگ کے چیلنجوں سے نمٹنے کے لیے پیشہ ورانہ مہارت پر توجہ مرکوز کرنے کا مشورہ دیا۔
