خواتین کے عالمی دن کے موقع پر انھیں خراج تحسین پیش کرنے کےلئے پنجاب اسمبلی میں قرار داد جمع کرائی گئی۔ مسلم لیگ ن کی رکن حنا پرویز بٹ نے جمع کرائی ۔ قرار داد کے متن میں لکھا گیا ہے کہ جمہوریت کےلئے فاطمہ جناح ، کلثوم نواز ، بےنظیر بھٹو اور مریم نواز شریف کی خدمات قابل تحسین ہیں ۔قرار داد میں پاکستان کی پہلی خاتون جنرل نگار جوہر ، ارفع کریم اور مریم مختار کی ہمت و کامیابیوں کو بھی سلام پیش کیا گیا ہے ۔قرار داد میں کہا گیا ہے کہ خواتین معاشرے کی ریڑی کی ہڈی ہیں ، ان کا تحفظ اورانھیں با اختیار بناناہماری اولین ترجیح ہے اورورکنگ وویمن کی حوصلہ افزائی کے لئے اسمبلی موثر کردار ادا کرتی رہے گی ۔
