لاہور: پاکستان تحریک انصاف کے نائب صدر اور سابق وزیر اطلاعات فواد چوہدری کو بدھ کی صبح پولیس نے الیکشن کمیشن کے ارکان کو دھمکیاں دینے کے الزام میں لاہور سے گرفتار کر لیا۔ پی ٹی آئی رہنما فرخ حبیب نے ٹوئٹر پر جاری بیان میں کہا کہ پولیس نے فواد چوہدری کو لاہور میں ان کے گھر سے گرفتار کیا ہے۔ انہوں نے کہا کہ امپورٹڈ حکومت خوف و ہراس کی حالت میں ہے کیونکہ پی ٹی آئی رہنماؤں کو گرفتار کرنا شروع کر دیا ہے۔
