بدھ کوگورنر حاجی غلام علی نے وزیراعلیٰ محمود خان کی صوبائی اسمبلی تحلیل کرنے کی سمری پر دستخط کرکے اسے منظور کرلیا۔ یہ اقدام پنجاب اسمبلی کی تحلیل کے چند دن بعد سامنے آیا ہے کیونکہ پی ٹی آئی کے چیئرمین عمران خان نے ان دونوں اسمبلیوں کو چھوڑ کر جہاں وہ اقتدار میں ہیں موجودہ کرپٹ سیاسی نظام سے خود کو الگ کرنے کے عزم کا اظہار کیا ہے۔ گورنر کی جانب سے ایک نوٹیفکیشن وزیراعلیٰ محمود اور قائد حزب اختلاف اکرم خان درانی کو بھیجا گیا۔ اس میں کہا گیا کہ کے پی اسمبلی اور صوبائی کابینہ کو آئین کے آرٹیکل 112 کی شق 1 کے تحت فوری طور پر تحلیل کر دیا گیا ہے۔
