ابوظہبی- وزیر اعظم شہباز شریف نے جمعہ کے روز متحدہ عرب امارات (یو اے ای) کی ریاست ابوظہبی کے تاجروں کو پاکستان میں متعدد شعبوں میں سرمایہ کاری کی دعوت دی۔ ان کی پیشکش ابوظہبی چیمبر آف کامرس کے ایک وفد کے ساتھ ملاقات میں سامنے آئی جس کی قیادت چیئرمین عبداللہ محمد المزروعی کررہے تھے۔ ملاقات کے دوران وزیراعظم نے دونوں ممالک کے درمیان چیمبر ٹو چیمبر تعاون کو بڑھانے کی ضرورت پر زور دیتے ہوئے کہا کہ ہم پاکستانی چیمبرز پر زور دیں گے کہ وہ ابوظہبی چیمبر تک پہنچیں اور نئے روابط استوار کریں۔ انہوں نے ابوظہبی چیمبر کے اراکین کی حوصلہ افزائی کی کہ وہ اپنے کاروبار کو بڑھانے کے بہترین مواقع کا تجربہ کرنے کے لیے پاکستان کا دورہ کریں۔ پاکستان اور متحدہ عرب امارات نے اہم شعبوں میں ٹھوس اور بامعنی دوطرفہ تعاون کو فروغ دینے کے مقصد سے تزویراتی شراکت داری کو مضبوط بنانے کے لیے مشاورت اور کوآرڈینیشن کو تیز کرنے پر اتفاق کیا ہے۔ وزیر اعظم شہباز شریف کی متحدہ عرب امارات کی قیادت کے ساتھ بات چیت کے دوران دو طرفہ تعلقات پر تبادلہ خیال کیا گیا کیونکہ سابق صدر شیخ محمد بن زید النہیان کی دعوت پر 13-12 جنوری کو امارات کا سرکاری دورہ کیا تھا۔
