لاہور- پاکستان کرکٹ بورڈ (پی سی بی) نے ہفتہ کو ڈپارٹمنٹل کرکٹ ڈھانچے کی بحالی کا اعلان کیا، جو 2019 کے آئین کے نفاذ کے نتیجے میں غیر فعال ہو گیا تھا۔ پی سی بی کے اس وقت کے سرپرست اعلیٰ عمران خان کے تحت 2019 میں ڈیپارٹمنٹل کرکٹ پر پابندی لگا دی گئی تھی، جس سے ہزاروں کھلاڑی اور آفیشلز بے روزگار ہو گئے تھے۔ پی سی بی کے چیئرمین نجم سیٹھی نے میڈیا سے بات کرتے ہوئے کہا کہ 192 ڈومیسٹک کھلاڑیوں کے معاہدے بحال کر دیے گئے ہیں جب کہ ایسوسی ایشن کے سربراہان کو بھی آگاہ کر کے ہائی پرفارمنس سنٹر میں مدعو کیا گیا ہے۔ واضح رہے کہ گزشتہ 45 سالوں سے ملک میں کھیلوں کے فروغ میں کلیدی کردار ادا کرنے والی ڈیپارٹمنٹل کرکٹ 2019 میں سابق وزیراعظم عمران خان کی منظوری سے ختم ہو گئی تھی۔ نئے ڈومیسٹک ڈھانچے کے مطابق ملک میں صرف چھ ٹیمیں فرسٹ کلاس کرکٹ کھیلنے کی اہل ہیں، دو پنجاب سے اور ایک ایک سندھ، بلوچستان، خیبرپختونخوا صوبوں اور وفاق شامل ہیں۔
