پولیس نے جمعرات کو بتایا کہ گلگت بلتستان کے ضلع دیامر میں ڈپٹی کمشنر کیمپ آفس میں گزشتہ رات ہونے والے دھماکے میں کسی جانی یا مالی نقصان کی اطلاع نہیں ہے۔ بدھ کی رات ڈی سی کیمپ آفس کے احاطے میں ایک زوردار دھماکہ ہوا جس سے وہاں موجود سکیورٹی گارڈز نے ہوائی فائرنگ شروع کر دی۔ دیامر کے سینئر سپرنٹنڈنٹ پولیس شیر خان نے کہا کہ مقدمہ درج کر لیا گیا ہے اور تفتیش جاری ہے ۔انہوں نے کہا کہ حملہ پلاسٹک کی بوتل کا استعمال کرتے ہوئے کیا گیا جس میں دھماکہ خیز مواد موجود تھا تاہم ان کا کہنا تھا کہ اس میں کوئی بال بیرنگ نہیں تھا۔
