کراچی: انگلینڈ کے ہاتھوں 0-3 سے شکست کھانے کے بعد، پاکستان نے نیوزی لینڈ کے خلاف اپنی اننگز کا آغاز بہت بہتر انداز میں کیا، نیشنل بینک کرکٹ ایرینا میں پہلے ٹیسٹ میچ کے پہلے دن 5-317 کا اسکور کیا۔ کپتان بابر اعظم پہلے دن کے اختتام پر وکٹ پرموجود رہے، انہوں نے 277 گیندوں پر ناقابل شکست 171 رنز بنائے۔ ابتدائی طور پر، تین تیز وکٹیں گنوانے کے بعد، سعود شکیل نے بابر کے ساتھ مضبوط شراکت قائم کی، لیکن یہ سرفراز احمد تھے جنہوں نے واپسی کی اور سینئر کھلاڑی کا کردار ادا کرتے ہوئے 153 گیندوں پر 86 رنز بنائے۔ بلیک کیپس کے لیے اعجاز پٹیل (2-91)، مائیکل بریسویل (2-61)، اور کپتان ٹم ساؤتھی (1-51) نے وکٹیں حاصل لی۔ پاکستان کا ٹاپ آرڈر مشکل وکٹ پر نیوزی لینڈ کے اسپنرز کے خلاف جلد ہی ٹھوکر کھا کر 4-115 تک پہنچ گیا۔ کپتان بابر اعظم کو 12 پر ریپریو ملا اور وہ ایش سوڈھی کے پہلے اوور میں ایل بی ڈبلیو ٹیلی ویژن ریفرل سے بھی بچ گئے جو وقفے پر 54 رنز بنا کر ناٹ آؤٹ رہے۔ یاد رہے سابق کپتان سرفراز احمد، 2019 کے بعد اپنا پہلا ٹیسٹ کھیل رہے ہے۔
