ایک ہی جرم میں متعدد ایف آئی آرز کا اندراج قانون کے خلاف ہے۔ اسلام آباد ہائی کورٹ

اسلام آباد: اسلام آباد ہائی کورٹ نے مشاہدہ کیا کہ سنگل وقوعہ کی متعدد فرسٹ انفارمیشن رپورٹس کا اندراج خلاف قانون ہے۔ جسٹس طارق محمود جہانگیری نے سیکرٹری اطلاعات و نشریات شاہرہ شاہد، پاکستان ٹیلی ویژن کے منیجنگ ڈائریکٹر سہیل علی خان اور ڈائریکٹر نیوز راشد بیگ کی جانب سے پنجاب میں ایف آئی آر کے اندراج سے متعلق دائر درخواستوں کی سماعت کرتے ہوئے ریمارکس دیئے کہ ہائی کورٹ اس معاملے کو ایک بار نمٹائے گی۔   جج نے اسی جرم پر ان کے خلاف مزید ایف آئی آر کے اندراج پر روک لگانے کا حکم جاری کیا۔ پنجاب پولیس نے ان کے ساتھ ساتھ مسلم لیگ (ن) کے رہنما میاں جاوید لطیف کے خلاف پاکستان پینل کوڈ اور انسداد دہشت گردی ایکٹ کی مختلف دفعات کے تحت سرکاری پی ٹی وی پر مؤخر الذکر کی پریس کانفرنس نشر کرنے پر متعدد ایف آئی آر درج کی تھیں۔