نیو یارک: وزیر خارجہ بلاول بھٹو زرداری نے بدھ کے روز فیس بک کی پیرنٹ فرم میٹا پر زور دیا کہ وہ پاکستان میں اپنا دفتر کھولے۔
وزیر خارجہ نے یہ ریمارکس اقوام متحدہ کی جنرل اسمبلی کے 77ویں اجلاس کے موقع پر نیویارک میں میٹا میں عالمی امور کے صدر نک کلیگ سے ملاقات کے دوران کہے۔
بلاول بھٹو نے کہا پاکستان کے آئی ٹی سیکٹر نے حالیہ ماضی میں مضبوط ترقی درج کی ہے جس میں میٹا جیسے پلیٹ فارمز کے لیے پاکستان میں اپنے آپریشنز کو وسعت دینے کے نئے مواقع کھلے ہیں۔
ملاقات کے دوران وزیر خارجہ نے کلیگ کو پاکستان میں دستیاب مواقع اس کی ٹیک سیوی نوجوان آبادی، زیادہ ٹیلی کثافت، معیشت کی بڑے پیمانے پر ڈیجیٹلائزیشن اور کاروبار کے لیے دوستانہ ریگولیٹری نظام کے بارے میں آگاہ کیا۔
بلاول بھٹو نے مہلک سیلاب کے تناظر میں پاکستان کو انسانی امداد کے لیے 125 ملین روپے دینے پر میٹا کا شکریہ بھی ادا کیا۔
