کراچی: صوبے میں کم از کم چھ ایف آئی آرز کے بعد سندھ ہائی کورٹ نے پولیس کو پی ٹی آئی کے سینیٹر اعظم سواتی پر مزید کیسز میں 15 دسمبر تک گرفتار کرنے سے روک دیا۔ یہ ہدایات دو رکنی بینچ نے جاری کیں جس نے سینیٹر کے بیٹے عثمان سواتی کی جانب سے پولیس کو ان کے والد کی گرفتاری سے روکنے اور ان کے خلاف مقدمات کو ختم کرنے کے لیے دائر درخواست کی سماعت کی۔ سندھ کے پراسیکیوٹر جنرل ڈاکٹر فیض شاہ اور انسپکٹر جنرل پولیس غلام نبی میمن عدالت میں پیش ہوئے۔ جسٹس محمد کریم خان آغا کی سربراہی میں بنچ نے حکام سے کہا کہ وہ سواتی کے خلاف صوبے میں درج تمام مقدمات کا ریکارڈ پیش کریں۔
