حکومت پنجاب نے یوم یکجہتی کشمیر کے موقع پر خصوصی ملی نغمہ ہم کو کشمیر سے پیار ہے جاری کر دیا

حکومت پنجاب نے یوم یکجہتی کشمیر کے موقع پر خصوصی ملی نغمہ ہم کو کشمیر سے پیار ہے جاری کر دیا.

لاہور 5 فروری:

حکومت پنجاب نے یوم یکجہتی کشمیر کے موقع پر خصوصی ملی نغمہ ہم کو کشمیر سے پیار ہے جاری کر دیا -اس دلکش ملی نغمے کے گلوکاروں میں مایہ ناز سنگر: نتاشا بیگ جن کا تعلق گلگت بستان سے ہے، شامل ہیں۔ ان کے ساتھ کوئٹہ کے دو مایہ ناز گلوکار؛ بلوچستان ایکسلنس ایوارڈ کے حامل غلام علی خان اور شاہ زیب علی اور ان کے علاوہ سندھ سے تعلق رکھنے والے گلوکار اور انسٹرومنٹلسٹ اظہار علی ابرو ہیں –

ان گلوکاروں کے اس گیت کو شاہکار بنانے میں کوئٹہ کے باکمال رباب نواز نوازش ناصری اور پشاور کے میڈلین پلیئر علی عمران نے اپنا بھرپور کردار ادا کیا۔ نغمے کے بول احمد نواز نے لکھے ہیں، جن کا تعلق چکوال، پنجاب سے ہے۔ انہوں نے ہی اس کی دھن بنائی۔ یوں یہ منفرد گیت پورے پاکستان کے آرٹسٹس کا کشمیری بھائیوں اور بہنوں کے لیے اجتماعی اظہار یکجہتی ہے جو پوری قوم کے جذبات کا آئینہ دار ہے۔ یہ گیت ایسٹ میڈیا کمیونیکیشنز کی پروڈکشن ہے اور اس کوحکومت پنجاب نے سپانسر کیا ہے۔

٭